Familja e gjeti shtatë ditë më vonë të shtrirë mbi varr, dhe aty kaloi gjashtë vitet e tjera në vijim.
Migeli Kapitenin ia kishte blerë djalit të vet për ditëlindje më 2005. Ai kishte vdekur papritmas një vit më vonë, por kur familja ishte kthyer nga varrimi nuk e kishte gjetur qenin në shtëpi.
“E kërkuam në çdo vend, por askund s’e gjetëm. Kujtuam se mos e kishte shkelur ndonjë automobil”, deklaroi e veja e Guzmanit, verenika, në gazetën argjentinase "La Voz del Interior".
“Javën tjetër e gjetëm mbi varr, ndonëse asnjëherë nuk e kishim çuar atje. E kishte gjetur vetë rrugën, duke mos dashur ta lë vetëm Migelin”, raportonte gazeta.
Roja e varrezave thotë se qeni një kohë vetëm kishte bredhur përreth derisa nuk e kishte identifikuar varrin me pronarin e vet të vdekur. Që nga ajo ditë ai vjen saktësisht në orën gjashtë dhe aty e kalon gjithë natën.
Familja Guzman është përpjekur disa herë ta kthejë qenin në shtëpi, por ai vazhdimisht ishte kthyer te varreza.
Ky tregim i pazakonshëm përkujton Haçikun e falshëm, akiton që vinte në stacionin e metrosë së Tokios në të njëjtën kohë për nëntë vjet nga maji i vitit 1025, kur kishte vdekur në vendin e punës pronari i tij, Hidesaburo Ueno.
Këtij miku besnik në atë stacion i është ngritur përmendorja.
